ആത്മാവിന്റെ ഏറ്റവും മധുരനാമമായ ഇശോക്ക്...

പ്രാണപ്രിയനേ അങ്ങയെ ഞാന്‍ സ്നേഹിക്കുന്നു...അങ്ങയെ ഞാന്‍ സ്നേഹിക്കുന്നു എന്നതിലല്ല അങ്ങന്യേ എത്ര മാത്രം സ്നേഹിക്കുന്നു എന്നതിലാണ് എന്റെ ആനന്ദം ..എന്റെ ഇശോയെ അങ്ങയേ സ്നേഹിക്കാതിരിക്കാന്‍ ആര്‍ക്കു കഴിയും.ഹൃദയം ഹൃദയത്തോടു ചേര്‍ത്ത് വെച്ച് ഞാന്‍ പറയട്ടെ .ഒരിക്കലും വേര്‍പിരിയാനവാത്ത വിധം ഞാന്‍ അങ്ങയെ സ്നേഹിക്കുന്നു..അങ്ങയുടെ അമ്മയും ലോകം മുഴുവന്റെയും രാജ്ഞിയുമായ കന്യകാമറിയം അങ്ങയെ സ്നേഹിച്ചതുപോലെ അങ്ങയെ സ്നേഹിക്കാന്‍ ഞാനും ആഗ്രഹിക്കുന്നു .ഒരിക്കലെങ്കിലും എനിക്കതിനു സാധിക്കുമോ എന്നനിക്കറിയില്ല .കാരണം മറിയം സ്നേഹം മാത്രമായിരുന്നു .ഞാനോ പാപികളില്‍ അഗ്രഗണ്യയും പരിശുദ്ധയായ അങ്ങയുടെ അമ്മ അങ്ങേക്ക് വേണ്ടി മാത്രം ജീവിച്ചു .പ്രിയനേ ഞാനും ആഗ്രഹിക്കുന്നു അങ്ങേക്ക് വേണ്ടി മാത്രം ജീവിക്കുവാന്‍...പക്ഷെ എങ്ങനെ ??? എനിക്കറിയില്ല നിന്നെ സ്നേഹിക്കാനും നിന്റെ കൂടെ നടക്കാനും എപ്പോഴും എന്നെ സഹായിക്കണമേ ഈനു അങ്ങയുടെ അമ്മയോട് ഒന്ന് പറയണേ .അതാണ് അത് മാത്രമാണ് എന്റെ പ്രാര്‍ത്ഥന ..കുടെയുണ്ടാവണം എപ്പോഴുംഅങ്ങ് കുടെയില്ലങ്കില്‍ മുന്നോട്ടു നിങ്ങുവാന്‍ സാധ്യമല്ലാതവണ്ണം ഞാന്‍ ദുര്‍ബ്ബലയാണ് ...അങ്ങ് അങ്ങയുടെ ഹൃദയം എനിക്ക് തന്നത് കുരിശില്‍ കിടന്നുകൊണ്ടാണല്ലോ !അതുകൊണ്ടാവാം അങ്ങയുടെ സ്നേഹം എല്ലായിപ്പോഴും ഒരു കുരിശിന്റെ ഭാരം തരുന്നത് ...വേദനയിലും  പ്രതിസന്ധിയിലും ഞാന്‍ നിന്റ്റെ സ്നേഹിക്കുന്നു ഇശോയെ..ലോകത്തില്‍ ഏറ്റവും തിരസ്കരിക്കപ്പെടുന്ന സ്നേഹമേ ..നിനക്കായി എന്നെ  പുര്‍ണ്ണമായി തന്നുകൊണ്ട്........

ഓ മറിയമേ !

ഉന്നതങ്ങളില്‍ ദൈവത്തിനു സ്തുതിയും സ്തോസ്ത്രവും വണക്കവും  ഉണ്ടായിരിക്കട്ടെ; ഓ പ്രഭാവമേറിയ അത്ഭുതകന്യകയെ!നീ ദൈവത്തിന്‍റെ മകളും അമ്മയുമാണല്ലോ ;നീ സകല ബഹുമാനവും സ്തുതിയും അര്‍ഹിക്കുന്നു ;നിന്റെ ശലിനതായാല്‍ നീ അത്യുന്നയകുന്നു ;നിന്റെ കന്യാത്വത്താന്‍ നീ സുന്ദരിയാകുന്നു ;നിന്റെ സ്നേഹത്താല്‍ നീ ജ്വലിച്ചെരിയുന്നു ; നിന്റെ സഹനങ്ങളില്‍ ദൈവഹിതത്തിനു നീ പുര്‍ണ്ണവിധേയയാകുന്നു . കാരുണ്യത്തില്‍ നീ ഏറ്റം സൌമ്യയകുന്നു;പ്രാര്‍ത്ഥനയില്‍ നീ ഏറ്റം തികഷ്ണതയുള്ളവളാകുന്നു; ധ്യാനത്തില്‍ നീ അതീവം ഗഹനയാകുന്നു ;ദൈവദര്‍ശനത്തില്‍ നീ മഹോന്നതയകുന്നു ;സഹതാപത്തില്‍ നീ അത്യന്തം ആര്‍ദ്രയാകുന്നു ;സഹായത്തിനു നീ മഹാ വല്ലഭയാകുന്നു  ഓ മറിയമേ നീ സ്വര്‍ഗ്ഗത്തിന്റെ കവാടമാകുന്നു ..നീ സകല പുണ്യങ്ങലുടെയും മാതൃകയാകുന്നു;നീ നിര്‍ഭാഗ്യവവരുടെ സങ്കേതമാകുന്നു ....നീ രോഗികളുടെ ആശ്വാസമാകുന്നു......നീ അനാഥരുടെ അമ്മയാകുന്നു.... കന്യാമകുടമേ...!!!സുരഭില സുന്ദരി....!!! ഓ മറിയമേ ! നക്ഷത്രത്തിന്റെ പ്രകാശവും റോസപ്പുവിന്റെ കാന്തിയും ...സുര്യന്റെ ദീപ്തിയും നിന്നിലുണ്ട് ...... ഓ മറിയമേ ആകാശവും ഭുമിയും നിന്നെ വാഴ്ത്തട്ടെ സകല സ്രഷ്ടികളും നിന്റെ സ്തുതി ഗീതങ്ങള്‍ പാടട്ടെ .സ്നേഹമുള്ള അമ്മേ എന്റെ ആത്മാവ് നിന്നെ പുകഴ്ത്തട്ടെ .നിന്റെ മഹിമകള്‍ വര്‍ണ്ണിക്കുവാന്‍ എന്റെ നാവു അശക്തമാണ് .നിന്റെ മനസ്സ് ഗ്രഹിക്കുവാന്‍ എന്റെ മനസ്സിന് ശേഷിയുമില്ല .ആകയാല്‍ നിന്റെ സന്നിധിയില്‍ തല കുനിച്ചുകൊണ്ട് ഞാനിപ്രകാരം ചെല്ലും...... എന്റെ അമ്മേ ! നിന്റെ സ്നേഹ മടിയില്‍ നീ എന്നെ സ്വീകരിക്കണമേ .എന്റെ ഹൃദയതുടിപ്പുകള്‍ നീ ശ്രവിക്കുണമേ....ഞാന്‍ സ്നേഹിക്കുന്ന എല്ലാവരെയും എന്നോടുകുടെ സ്വീകരിക്കണമേ .നിന്റെ മടിയില്‍ ഇശോയെ കാണുമ്പോള്‍ എന്റെ ആത്മാവ് ആനന്ദത്താല്‍ നിറയുന്നു... എന്റെ സകല ഭാഗ്യവും അവിടുന്നാണെന്നു ഞാന്‍ അറിയുന്നു അമ്മേ! ഉണ്ണി ഇശോയെ കൂടെ കൂടെ നീ എന്നെ കാണിക്കണമേ

             
                               

ജപമാല

പരിശുദ്ധ അമ്മയെ സ്വര്‍ഗത്തില്‍ നിന്നും വിളിച്ചിറക്കിക്കൊണ്ടുവരാനുള്ള ശക്തി നന്മനിറഞ്ഞ മറിയമേ എന്ന പ്രാര്‍ത്ഥനയ്ക്കുണ്ട്.വ്യക്തിപരമായി ഓരോ പ്രാവശ്യവും ഞാന്‍ അനുഭവിക്കാറുണ്ട് സാമുഹ പ്രാര്‍ത്ഥനകളില്‍ ജനം ഒരുമിച്ചു നന്മനിറഞ്ഞ മറിയമേ എന്ന് ചൊല്ലുമ്പോള്‍ മാതാവ്‌ അവിടെ എത്തിയിരിക്കും തന്റെ മക്കള്‍ ഭുമിയില്‍ നിന്നും തന്നെ വിളിക്കുമ്പോള്‍ ഒരിക്കലും അമ്മക്ക് സ്വര്‍ഗ്ഗത്തില്‍ ആയിരിക്കുവാന്‍ കഴിയുകയില്ല അമ്മ വരും മക്കളുടെ കൂടെ ആകുവാനും അവരെ അനുഗ്രഹിക്കുവനുമായ് 

നന്മനിറഞ്ഞ മറിയമേ എന്ന പ്രാര്‍ത്ഥന സ്വര്‍ഗം തുറക്കുന്ന താക്കോലാണ് ആവര്‍ത്തിച്ചാവര്‍ത്തിച്ചു അത് ചൊല്ലി ജപമാല പ്രാര്‍ത്ഥനയായി അത് മാറുമ്പോള്‍ സ്വര്‍ഗത്തില്‍ നിന്നും നന്മകളുമായി മറിയം ഓടിയെത്തുക തന്നെ ചെയ്യും .മറിയം സ്വര്‍ഗ്ഗിയ രാജ്ഞിയാണ് രാജ്ഞിയ്ക്ക് കീരീടം മഹത്വത്തിന്റെ ചിഹ്നമാണ്, സ്വര്‍ഗ്ഗിയ രാജ്ഞിയായ മറിയത്തിനു മക്കള്‍ ജപമാലയുടെ കീരീടം സമര്‍പ്പിക്കുക അത് മറിയത്തെ മഹത്വപ്പെടുത്തും ..മറിയത്തെ ശ്കതിപ്പെടുത്തും.. മറിയത്തെ ഉണര്‍ത്തും ...മറിയത്തെ പ്രവര്‍ത്തിപ്പിക്കും.. നമ്മുക്ക് എന്നും ജപമാല ചൊല്ലുന്നവരാകാം .ലോകരക്ഷക്ക് പരിശുദ്ധ മറിയം കുടിയേ തിരു .പരിശുദ്ധ അമ്മയുടെ എല്ലാ അനുഗ്രഹങ്ങളും നന്മകളും പുണ്യങ്ങളും ജപമാല ചൊല്ലിക്കൊണ്ടു നമ്മുക്ക് ചോദിച്ചു വാങ്ങാം..യഥാകാലം ഫലം പുറപ്പെടുവിക്കുവാന്‍ വേണ്ടി നമ്മുടെ ആത്മാവാകുന്ന ഭുമിയെ നനക്കുന്ന സ്വര്‍ഗ്ഗിയ മഞ്ഞു ആണ് "നന്മ നിറഞ്ഞ മറിയം "

"സ്വര്‍ഗ്ഗസ്ഥനായ പിതാവേ" എന്ന പ്രാര്‍ത്ഥന കഴിഞ്ഞാല്‍ ഏറ്റം മനോഹരമായത് "നന്മ നിറഞ്ഞ മറിയമേ" എന്ന പ്രാര്‍ത്ഥനയാണ് അതാണ് മറിയത്തിനു കൊടുക്കുവാന്‍ നമ്മുക്ക് കഴിയുന്ന ഏറ്റവും നല്ല അഭിനന്ദനം ....

               

"നന്മ നിറഞ്ഞ മറിയമേ, സ്വസ്തി! കര്‍ത്താവ് അങ്ങയോടുകൂടെ. സ്ത്രീകളില്‍ അങ്ങ് അനുഗ്രഹിക്കപ്പെട്ടവളാകുന്നു. അങ്ങയുടെ ഉദരത്തിന്റെ ഫലമായ ഈശോ അനുഗ്രഹിക്കപ്പെട്ടവനാകുന്നു" 

"പരിശുദ്ധ മറിയമേ, തമ്പുരാന്റെ അമ്മേ! പാപികളായ ഞങ്ങള്‍ക്കുവേണ്ടി, ഇപ്പോഴും, ഞങ്ങളുടെ മരണസമയത്തും, തമ്പുരാനോട് അപേക്ഷിയ്ക്കേണമേ. ആമ്മേന്‍"               

   

             

   

രക്തസ്രാവക്കാരി സ്ത്രി

"പന്ത്രണ്ടു വര്‍ഷമായി രക്തസ്രാവമുണ്ടായിരുന്നവളും ആര്‍ക്കും സുഖപ്പെടുത്താന്‍ കഴിയാതിരുന്നവളുമായ ഒരു സ്ത്രി പിന്നിലുടെ വന്നു അവന്‍റെ വസ്ത്ര വിളുമ്പില്‍ സ്പര്‍ശിച്ചു .തല്‍ക്ഷണം അവളുടെ രക്തസ്രാവം നിലച്ചു " (ലുക്കാ,8:43:44) 
                
                  "ദൈവമേ ,ഞാന്‍ നിരവധിയായ പ്രശ്നങ്ങളില്‍ അകപ്പെട്ടിരിക്കുന്നു എന്റെ മനസ്സ് ഉല്‍ക്കണ്ടാകുലമാണ് .മറ്റുള്ളവരെ സ്നേഹിക്കുവാനും സംരക്ഷിക്കുവാനും എനിക്കാവുന്നില്ല .ദൈവമേ ഞാനും ര്ക്തസ്രാവക്കാരി സ്ത്രിയെപ്പോലെ നിന്‍റെ വസ്ത്ര വിളുമ്പില്‍ തൊടുന്നു അങ്ങ് എന്നെ സ്പര്‍ശിക്കണമേ..."
                 
യേശു ചോദിച്ചു ആരാണ് എന്നെ സ്പര്‍ശിച്ചത്? ആരും മിണ്ടിയില്ല ആപ്പോള്‍ പത്രോസ് പറഞ്ഞു ഗുരോ .ജനക്കുട്ടം ചുറ്റും കുടി നിന്നെ തിക്കുകയാണല്ലോ (ലുക്കാ :8;45)
                 
                 "ആ സ്ത്രിയോട് എനിക്ക് അസൂയ തോന്നുന്നു .അങ്ങയുടെ അടുത്തുവന്നു ആ വസ്ത്ര വിളുമ്പില്‍ തൊടുവാനുള്ള അവളുടെ വിശ്വാസതിക്ഷ്ണതയും മനക്കരുത്തും എന്നേക്കാള്‍ എത്രയോ ഉന്നതമാണ് അങ്ങ് എന്നെ അധികം സ്നേഹിക്കുന്നില്ല സഹായിക്കുന്നില്ല എന്നൊക്കെ പറഞ്ഞു ഞാന്‍ സംഭ്രമിച്ചിരിക്കുന്നു അങ്ങയുടെ അടുത്തുവരുവാന്‍ എനിക്കാകട്ടെ"
               
യേശു പറഞ്ഞു ആരോ എന്നെ സ്പര്‍ശിച്ചു എന്നില്‍ നിന്നും ശക്തി നിര്‍ഗ്ഗമിച്ചിരിക്കുന്നത് ഞാനറിയുന്നു (ലുക്കാ :8;47)
               
                 "ദൈവമേ അങ്ങയുടെ ശക്തി എന്നിലേക്ക്‌ അയക്കണമേ എന്നെ വേദനിപ്പിക്കുന്ന അവസ്ഥകളില്‍ നിന്നും എന്നെ മോചിപ്പിക്കണമേ അങ്ങയുടെ സ്നേഹവും ശക്തിയും കൊണ്ട് എന്നെ നിറക്കണമേ .ദൈവമേ ഞാന്‍ ഭയപ്പെട്ടുപോയ് നീ എന്റെ സ്പര്‍ശനം അറിയാതെ കടന്നുപോകുമോ എന്ന് ഞാന്‍ മുറിവേറ്റവള്‍ ആണ് ഞാന്‍ അങ്ങയില്‍ ശരണപ്പെടുന്നു എന്നെ സഹായിക്കണമേ"
       
 

                

മറിയത്തിന്റെ സുകൃതമാതൃക

പരിശുദ്ധ മറിയമേ ! ദൈവ മാതാവേ ! നിത്യ കന്യകയെ !എന്റെ അമ്മേ !മനുഷ്യ ബുദ്ധിയിലടങ്ങാത്തും വിവരണാതീതവുമായ വിശേഷവരങ്ങള്‍ നിനക്ക് ലഭിച്ചുവല്ലോ നിന്റെ എളിയ ദാസിയായ ഞാനിതാ നിന്റെ മഹോന്നത സിംഹാസനത്തിന്‍ മുമ്പാകെ സാഷ്ടാംഗം വീണു നിന്നെ വണങ്ങുന്നു .അമ്മേ!സ്നേഹിക്കുന്നതിനായി നല്‍കപ്പെട്ടിരിക്കുന്ന എന്റെ ഹൃദയം സ്നേഹ തിക്ഷ്ണത പ്രകാശിപ്പിക്കാന്‍ ആവേശം കൊള്ളുന്നു  ഓ പരിശുദ്ധ മാതാവേ ! നീ സകല മാലാഖമാരെക്കാളും അത്യധികം ഉയര്‍ത്തപ്പെട്ടിരിക്കുന്നു .നീ സകല സ്ത്രികളിലും ശാലിനയായിരുന്നതിന്റെ നിത്യ സമ്മാനമാണിത്  ഓ സര്‍വ്വാംഗ സുന്ദരിയായ വിമല കന്യകയെ ! അന്യാദ്രശ്യയായ മാതാവേ! ദൈവതൃ ക്കണ്ണ്കളെപ്പോലും നീ സവിശേഷം സമാകര്‍ഷിച്ചുവല്ലോ ,ആകാശത്തിലോ ഭുമിയിലോ നിന്നോട് തുലനം ചെയ്യത്തക്ക യാതൊരു സൃഷ്ടിയുമില്ല . ഓ മറിയമേ! ഞാനിതാ നിന്റെ സന്നിധിയില്‍ വിണ്ടും മുട്ടുകുത്തുന്നു .നിനക്കധികം പ്രസാദകരമായ സ്തുതികള്‍ സമര്‍പ്പിക്കുവാന്‍ പാപരഹിതമായ  ഹൃദയവും ഭക്തി സമ്പൂര്‍ണ്ണങ്ങളായ അധരങ്ങളും എനിക്ക് തരിക ...ആമേന്‍ !!

അമ്മ !!

കൃപയും സ്നേഹവും മൂര്‍ത്തരൂപം പ്രാപിക്കുന്നത് ദൈവത്തിലാണെന്ന  തിരിച്ചറിവില്‍  നിന്നാണ് ഭാരതിയര്‍ ദൈവത്തെ അമ്മയായി സങ്കല്പ്പിക്കുന്നത് " യാ  ദേവി സര്‍വ്വഭുതേഷു മാതൃരൂപേണ സംസ്ഥിതാ നമസ്തേസ്യ   എന്ന് അവര്‍ പ്രാര്‍ത്ഥിക്കുന്നു അമ്മേ നാരായണ എന്ന് വിളിക്കുന്നു പെറ്റമ്മ കുഞ്ഞിനെ മറന്നാലും നമ്മെ മറക്കാത്ത ഒരമ്മയെ നമ്മുക്കാവശ്യമുണ്ടെന്നറിഞ്ഞു കൊണ്ടാണ്  യേശു തമ്പുരാന്‍ "ഇതാ നിന്റെ അമ്മ " എന്നാ മരണമൊഴിയിലുടെ തന്റെ അമ്മയെ നമ്മുക്കായി വിട്ടുതന്നത് .ഉല്പത്തിപ്പുസ്തകത്തില്‍  നരകത്തിന്റെ  നിത്യശത്രുവായും  വെളിപാട്‌പുസ്തകത്തില്‍ സ്വര്‍ഗ്ഗിയ   സുര്യനെ  ആവരണമക്കിയവളായും      മനുഷ്യ രക്ഷയുടെ അവിഭാജ്യ ഘടകമായി  വിശുദ്ധ ഗ്രന്ഥത്തില്‍ നിറഞ്ഞു നില്‍ക്കുന്ന :സ്ത്രീയാണ് പരിശുദ്ധ അമ്മയെന്ന് രക്ഷാകര പ്രവര്‍ത്തനത്തിന്റെ നിര്‍ണ്ണായകമുഹുര്‍ത്തങ്ങളില്‍ തന്റെ സംബോധനയിലുടെ യേശുനാഥാന്‍   വെളിപ്പെടുത്തി ഈ തെളിവുകളെല്ലാം അവഗണിച്ചു കൊണ്ടാണ് ചില നവികരണവാദികള്‍  പരിശുദ്ധ അമ്മയെ യേശുവില്‍ നിന്നും അകറ്റി നിര്‍ത്താന്‍ ശ്രമിക്കുന്നത്  അക്ഷരവ്യാഖ്യനത്തിന്റെ കയറില്‍തുങ്ങി   അവര്‍ കൈ കാലിട്ടടിക്കുന്ന്തു കാണാം  അവര്‍ ഒന്ന് ഓര്‍ത്തിരിക്കട്ടെ ദൈവം തന്റെ അമ്മയാകാന്‍ തെരഞ്ഞെടുക്കുകയും ക്രപനിറച്ചു  തന്നോട് ചേര്‍ത്ത് നിര്‍ത്തുകയും ചെയ്തവളെ ദൈവത്തില്‍ നിന്നും വേര്‍പ്പെടുത്താന്‍ ശ്രമിക്കുന്നത് വചന വിരുദ്ധമായ വലിയ പാപമാണ്